Anetadocamilo é a sinatura coa que eu, Beatriz Bascoy Cao, asino os meus lenzos.
Anetadocamilo fala de orgullo polos ancestros e pola miña terra.
Considérome unha artista comprometida socialmente e trato de utilizar a pintura para reflectir a problemática social e para convertir as miñas obras en instrumentos de loita.
No feminismo, na desigualdade e en diversas inxustizas sociais, están inspirados moitos dos meus lenzos e trato de en todos e cada un deles espertar emocións nos ollos de quen os observa.
Para min un cadro é moito máis ca un elemento visual decorativo. Non entendo unha obra de arte se ésta non transmite emocións e trato de que nalgún momento as miñas obras o consigan.
Dende un primeiro momento desta andaina a miña única pretensión foi a de canalizar as miñas inquedanzas e a de tratar de emocionar ás persoas que se acerquen ós meus cadros.
Marqueime como principio fundamental o lema de que por encima de todo “PINTO PORQUE ME PETA”.